മണ്ണെണ്ണപ്പാട്ട

     ഏതാണ്ട് ഒരു വർഷം മുമ്പ് ഫേസ്ബുക്കിൽ ഒരു ഫ്രണ്ട് റിക്വസ്റ്റ് വന്നത് മുതലാണ്  ബാബു അബ്രഹാം എന്ന എഴുത്തുകാരനെയും  "കമ്പിളി കണ്ടത്തെ കൽഭരണികൾ" എന്ന പുസ്തകത്തെയും ശ്രദ്ധിക്കുന്നത്.  പിന്നീട് വായനയുമായി ബന്ധപ്പെട്ട കണ്ട ഏതാണ്ട് എല്ലാ സോഷ്യൽ മീഡിയ പോസ്റ്റുകളിലും ഈ പുസ്തകത്തിന്റെ പേര് കാണാൻ തുടങ്ങി. പുസ്തക വായനയേക്കാൾ സോഷ്യൽ മീഡിയയിൽ സമയം ചിലവഴിക്കുന്ന ഞാൻ സോഷ്യൽ മീഡിയ പോസ്റ്റുകൾ മാത്രം കണ്ട് ഈ പുസ്തകം വാങ്ങി. കമ്പിളി കണ്ടത്തെ കൽഭരണികളിലെ വീഞ്ഞ് ആവോളം  നുകർന്നു. പഴകും തോറും വീര്യം കൂടുന്ന വീഞ്ഞ് പോലെ അനുഭവങ്ങളുടെ കനം കൂടുന്തോറും കൂടുതൽ ഹൃദയമാക്കുന്ന ഒരു പുസ്തകം.