2019 അവസാനം പൊട്ടിപ്പുറപ്പെട്ട് 2020ൽ ലോകം മൊത്തം വ്യാപിച്ച കൊറോണ ( കോവിഡ് -19 ) വൈറസ് .
ഒന്നാലോചിച്ചാൽ ഇത് പ്രകൃതിയുടെ ഭാവി ചിട്ടപ്പെടുത്തലിനു വേണ്ടിയുള്ള മുൻഗണനാക്രമം തയാറാക്കലാണെന്ന് തോന്നുന്നു. അതോ ഏറ്റവും ഉന്നതമായ സ്പീഷിസ് എന്ന് സ്വയം അവകാശപ്പെടുന്ന ; ആഹാരത്തിന് വേണ്ടിയല്ലാതെ വിനോദത്തിന് വേണ്ടി മറ്റുജീവികളെ നശിപ്പിക്കുകയോ അംഗഭംഗം വരുത്തുകയോ ഒക്കെ ചെയ്യുന്ന ; അവസാനം താൻ തന്നെ കണ്ടുപിടിച്ച സാങ്കേതികവിദ്യകളാൽ സ്വയം നശിക്കാൻ പോകുന്ന മനുഷ്യൻ , മറ്റുജീവികളോടുള്ള വിരോധം പോരാഞ്ഞ് സ്വന്തം വർഗത്തിലുള്ളവരെ ഇല്ലാതാക്കാൻ സ്വബോധത്തോടെ വാരിവിതറിയ വിപത്താണോ എന്ന് സംശയിക്കേണ്ടതുണ്ട് .
ചിലർ പറയും മനുഷ്യന്റെ അഹന്തയ്ക്ക് ഇടയ്ക്കിടെ "സർവശക്തൻ " കൊടുക്കുന്ന കൊട്ടാണ് ഇത് പോലെ മഹാമാരികളായും ചുഴലിക്കൊടുങ്കാറ്റുകളായും സുനാമിയായുമൊക്കെ വരുന്നത് എന്ന് . അതങ്ങനെയാണെങ്കിൽ സർവശക്തൻ ഈ അഹന്തയുള്ളവരുടെ ലിസ്റ്റ് ഉണ്ടാക്കുന്നത് ശരിയായിട്ടല്ല എന്നാണ് അഭിപ്രായം. കാരണം അഹങ്കാരികളായിട്ടുള്ളവർക്ക് മാത്രമല്ല അതൊക്കെ ബാധിക്കുന്നത് എന്നതുതന്നെ.
വൈറസിനെ ശാസ്ത്രത്തിനിട്ടുകൊടുത്താൽ അത് തരുന്ന വിശകലനം ഇതാണ്: നാമെല്ലാം നിരന്തരം മ്യൂട്ടേഷൻ എന്ന പ്രവർത്തനത്തിന് വിധേയരാണ്. ഓരോ ദിവസവും അത് നടന്നുകൊണ്ടിരിക്കുകയാണ്. അതിന്റെ ഫലമായി ഉരുത്തിരിഞ്ഞുണ്ടായതാണ് വൈറസ് എന്ന വർഗ്ഗവും . നിരന്തരം പെറ്റുപെരുകുന്ന ഇവയിൽ ചിലത് മനുഷ്യനും മൃഗങ്ങൾക്കും ഹാനിയുണ്ടാക്കുന്നവയാണ്. സാങ്കേതികമായി പറഞ്ഞാൽ ഒരു തരം " BUG FIXING " വേണമെങ്കിൽ പറയാം . ചൈനയിൽ ഉണ്ടായതെന്ന് മനസിലാക്കുന്ന കോവിഡ് - 19 ബഗ് ശരീരത്തിൽ കയറുന്നു. ചിലർക്ക് അത് FIX ചെയ്യാൻ എളുപ്പം പറ്റുന്നു. ചിലർക്ക് അത് പ്രയാസമാണെങ്കിലും ആതുരസേവകരുടെയും മറ്റും സഹായത്തോടെ FIX ചെയ്യുന്നു . മറ്റസുഖങ്ങൾ ഉള്ളവർക്കും രോഗപ്രതിരോധശേഷി കുറഞ്ഞവർക്കും അതൊട്ട് പറ്റുന്നുമില്ല.
എല്ലാം ചേർത്ത് വായിക്കുമ്പോൾ ഡാർവിനെയല്ലാതെ മാറ്റാരെ ഓർക്കാനാണ് . " അർഹതയുള്ളവരുടെ അതിജീവിക്കൽ " എന്ന് പണ്ട് കാണാതെ പഠിക്കുമ്പോൾ സംഭവം ഇത്ര വ്യാപ്തിയുള്ള കാര്യമാണെന്ന് മനസിലായിട്ടില്ലായിരുന്നു. ഇവിടെ പക്ഷെ 'അർഹത' എന്ന വാക്കിന്റെ അർത്ഥത്തെപ്പറ്റി സംശയം തോന്നാം. കാരണം, അതിജീവിക്കാൻ പോരാടുന്ന ഒരാളുടെ ശരീരത്ത് വൈറസ് കയറിപ്പറ്റില്ലെന്നോ അത് മരണകാരണമാകില്ലെന്നോ ഉറപ്പുപറയാൻ പറ്റില്ലല്ലോ. സാധ്യതകളുടെ മുകളിലാണ് ഈ സിദ്ധാന്തങ്ങളത്രയും . IDEAL CONDITION എന്നൊന്നില്ല. ഒരു മാൻപേടയെ സിംഹം ഓടിച്ചിട്ട് പിടിക്കുമ്പോൾ ആ മാന്പേടയ്ക്ക് ജീവിക്കാൻ എന്ത് അർഹതക്കുറവാണ് എന്ന് ചിന്തിക്കുന്നതുപോലെയാണ് .
ലോകം എത്രത്തോളം സാങ്കേതികപരമായും വിദ്യാഭ്യാസപരമായും സാമ്പത്തികപരമായുമെല്ലാം മുന്നേറുന്നോ അത്രത്തോളം പിന്നിലേക്ക് വലിക്കാൻ ആവശ്യമായ മറ്റു ഘടകങ്ങൾ നാം തന്നെ ഇട്ടുകൊടുക്കുന്നുണ്ട് . പണ്ട് ഒരു പകർച്ചവ്യാധി വരുമ്പോൾ ആരോഗ്യസംവിധാനങ്ങൾ ഇല്ലാത്തതുകൊണ്ടാണ് മരണങ്ങൾ കൂടുതൽ സംഭവിച്ചതെങ്കിൽ ഇപ്പൊ അത് എളുപ്പത്തിൽ പകരുന്നതുകൊണ്ടാണ് . " ലോകം ഒരു കുടക്കീഴിൽ " എന്നൊക്കെ പറയുമ്പോൾ അസുഖങ്ങളും ഒരു കുടക്കീഴിൽ ആകുന്നു. ഇങ്ങനൊന്നുമല്ലാതെ എല്ലാവരും വെവ്വേറെ കുടക്കീഴുകളിലാണോ കഴിയേണ്ടത് എന്ന് ചോദിച്ചാൽ അതും എല്ലാക്കാലത്തും ശരിയാണെന്ന് പറയാൻ പറ്റില്ല. ഈ രോഗത്തിന്റെ വ്യാപനം തടയാൻ അതാണ് ഏറ്റവും മികച്ച മാർഗം . ഓരോ പ്രശ്നങ്ങളുടെയും സാദ്ധ്യതകൾ അറിഞ്ഞ് ( അത് രോഗങ്ങളായാലും പ്രകൃതിദുരന്തങ്ങളായാലും ) അതിന്റെ പ്രതിവിധികൾക്കനുസരിച്ച് അപ്ഡേറ്റ് ചെയ്ത് മുന്നേറുക എന്നതാണ് ശാസ്ത്രം നമ്മെ പഠിപ്പിക്കുന്നത്.
നാമെല്ലാം അർഹതയുള്ളവരാണെന്ന് തെളിയിക്കേണ്ട ബാധ്യത നമ്മുടേത് മാത്രമാണ് .
ഒന്നാലോചിച്ചാൽ ഇത് പ്രകൃതിയുടെ ഭാവി ചിട്ടപ്പെടുത്തലിനു വേണ്ടിയുള്ള മുൻഗണനാക്രമം തയാറാക്കലാണെന്ന് തോന്നുന്നു. അതോ ഏറ്റവും ഉന്നതമായ സ്പീഷിസ് എന്ന് സ്വയം അവകാശപ്പെടുന്ന ; ആഹാരത്തിന് വേണ്ടിയല്ലാതെ വിനോദത്തിന് വേണ്ടി മറ്റുജീവികളെ നശിപ്പിക്കുകയോ അംഗഭംഗം വരുത്തുകയോ ഒക്കെ ചെയ്യുന്ന ; അവസാനം താൻ തന്നെ കണ്ടുപിടിച്ച സാങ്കേതികവിദ്യകളാൽ സ്വയം നശിക്കാൻ പോകുന്ന മനുഷ്യൻ , മറ്റുജീവികളോടുള്ള വിരോധം പോരാഞ്ഞ് സ്വന്തം വർഗത്തിലുള്ളവരെ ഇല്ലാതാക്കാൻ സ്വബോധത്തോടെ വാരിവിതറിയ വിപത്താണോ എന്ന് സംശയിക്കേണ്ടതുണ്ട് .
ചിലർ പറയും മനുഷ്യന്റെ അഹന്തയ്ക്ക് ഇടയ്ക്കിടെ "സർവശക്തൻ " കൊടുക്കുന്ന കൊട്ടാണ് ഇത് പോലെ മഹാമാരികളായും ചുഴലിക്കൊടുങ്കാറ്റുകളായും സുനാമിയായുമൊക്കെ വരുന്നത് എന്ന് . അതങ്ങനെയാണെങ്കിൽ സർവശക്തൻ ഈ അഹന്തയുള്ളവരുടെ ലിസ്റ്റ് ഉണ്ടാക്കുന്നത് ശരിയായിട്ടല്ല എന്നാണ് അഭിപ്രായം. കാരണം അഹങ്കാരികളായിട്ടുള്ളവർക്ക് മാത്രമല്ല അതൊക്കെ ബാധിക്കുന്നത് എന്നതുതന്നെ.
വൈറസിനെ ശാസ്ത്രത്തിനിട്ടുകൊടുത്താൽ അത് തരുന്ന വിശകലനം ഇതാണ്: നാമെല്ലാം നിരന്തരം മ്യൂട്ടേഷൻ എന്ന പ്രവർത്തനത്തിന് വിധേയരാണ്. ഓരോ ദിവസവും അത് നടന്നുകൊണ്ടിരിക്കുകയാണ്. അതിന്റെ ഫലമായി ഉരുത്തിരിഞ്ഞുണ്ടായതാണ് വൈറസ് എന്ന വർഗ്ഗവും . നിരന്തരം പെറ്റുപെരുകുന്ന ഇവയിൽ ചിലത് മനുഷ്യനും മൃഗങ്ങൾക്കും ഹാനിയുണ്ടാക്കുന്നവയാണ്. സാങ്കേതികമായി പറഞ്ഞാൽ ഒരു തരം " BUG FIXING " വേണമെങ്കിൽ പറയാം . ചൈനയിൽ ഉണ്ടായതെന്ന് മനസിലാക്കുന്ന കോവിഡ് - 19 ബഗ് ശരീരത്തിൽ കയറുന്നു. ചിലർക്ക് അത് FIX ചെയ്യാൻ എളുപ്പം പറ്റുന്നു. ചിലർക്ക് അത് പ്രയാസമാണെങ്കിലും ആതുരസേവകരുടെയും മറ്റും സഹായത്തോടെ FIX ചെയ്യുന്നു . മറ്റസുഖങ്ങൾ ഉള്ളവർക്കും രോഗപ്രതിരോധശേഷി കുറഞ്ഞവർക്കും അതൊട്ട് പറ്റുന്നുമില്ല.
എല്ലാം ചേർത്ത് വായിക്കുമ്പോൾ ഡാർവിനെയല്ലാതെ മാറ്റാരെ ഓർക്കാനാണ് . " അർഹതയുള്ളവരുടെ അതിജീവിക്കൽ " എന്ന് പണ്ട് കാണാതെ പഠിക്കുമ്പോൾ സംഭവം ഇത്ര വ്യാപ്തിയുള്ള കാര്യമാണെന്ന് മനസിലായിട്ടില്ലായിരുന്നു. ഇവിടെ പക്ഷെ 'അർഹത' എന്ന വാക്കിന്റെ അർത്ഥത്തെപ്പറ്റി സംശയം തോന്നാം. കാരണം, അതിജീവിക്കാൻ പോരാടുന്ന ഒരാളുടെ ശരീരത്ത് വൈറസ് കയറിപ്പറ്റില്ലെന്നോ അത് മരണകാരണമാകില്ലെന്നോ ഉറപ്പുപറയാൻ പറ്റില്ലല്ലോ. സാധ്യതകളുടെ മുകളിലാണ് ഈ സിദ്ധാന്തങ്ങളത്രയും . IDEAL CONDITION എന്നൊന്നില്ല. ഒരു മാൻപേടയെ സിംഹം ഓടിച്ചിട്ട് പിടിക്കുമ്പോൾ ആ മാന്പേടയ്ക്ക് ജീവിക്കാൻ എന്ത് അർഹതക്കുറവാണ് എന്ന് ചിന്തിക്കുന്നതുപോലെയാണ് .
ലോകം എത്രത്തോളം സാങ്കേതികപരമായും വിദ്യാഭ്യാസപരമായും സാമ്പത്തികപരമായുമെല്ലാം മുന്നേറുന്നോ അത്രത്തോളം പിന്നിലേക്ക് വലിക്കാൻ ആവശ്യമായ മറ്റു ഘടകങ്ങൾ നാം തന്നെ ഇട്ടുകൊടുക്കുന്നുണ്ട് . പണ്ട് ഒരു പകർച്ചവ്യാധി വരുമ്പോൾ ആരോഗ്യസംവിധാനങ്ങൾ ഇല്ലാത്തതുകൊണ്ടാണ് മരണങ്ങൾ കൂടുതൽ സംഭവിച്ചതെങ്കിൽ ഇപ്പൊ അത് എളുപ്പത്തിൽ പകരുന്നതുകൊണ്ടാണ് . " ലോകം ഒരു കുടക്കീഴിൽ " എന്നൊക്കെ പറയുമ്പോൾ അസുഖങ്ങളും ഒരു കുടക്കീഴിൽ ആകുന്നു. ഇങ്ങനൊന്നുമല്ലാതെ എല്ലാവരും വെവ്വേറെ കുടക്കീഴുകളിലാണോ കഴിയേണ്ടത് എന്ന് ചോദിച്ചാൽ അതും എല്ലാക്കാലത്തും ശരിയാണെന്ന് പറയാൻ പറ്റില്ല. ഈ രോഗത്തിന്റെ വ്യാപനം തടയാൻ അതാണ് ഏറ്റവും മികച്ച മാർഗം . ഓരോ പ്രശ്നങ്ങളുടെയും സാദ്ധ്യതകൾ അറിഞ്ഞ് ( അത് രോഗങ്ങളായാലും പ്രകൃതിദുരന്തങ്ങളായാലും ) അതിന്റെ പ്രതിവിധികൾക്കനുസരിച്ച് അപ്ഡേറ്റ് ചെയ്ത് മുന്നേറുക എന്നതാണ് ശാസ്ത്രം നമ്മെ പഠിപ്പിക്കുന്നത്.
നാമെല്ലാം അർഹതയുള്ളവരാണെന്ന് തെളിയിക്കേണ്ട ബാധ്യത നമ്മുടേത് മാത്രമാണ് .
Comments
Post a Comment